Það vakti talsverða athygli þegar félagarnir Arnar Grant og Ívar Guðmundsson komu með nýja sjónvarpsauglýsingu fyrir Hámark sem er í anda stórmyndarinnar Kings Speech. Hvað segja sérfræðingar í markaðsmálum um nýja sjónvarpsauglýsingu fyrir prótendrykkinn Hámark? Er auglýsingin að hitta í mark eða er skotið yfir?

Alkemistinn fékk þá Björn Þórir Sigurðsson, Friðrik Eysteinsson og Hörð Harðarson til þess að gagnrýna auglýsinguna út frá faglegum forsendum og gefa henni stjörnur í samræmi við upplifun sína.

Fyrsti þáttur Alkemistans fer í loftið á mbl.sjónvarpi í dag. Þar er fjallað um niðurstöður úr nýrri rannsókn sem er hluti af meistaraverkefni Svanlaugar Rósar Ásgeirsdóttur sem ásamt eldri gögnum, bendir margt til þess að breyttar áherslur í markaðssetningu á Íslandi sem ferðamannalandi gætu skilað umtalsverðum ávinningi.

Þetta er meðal þess sem kemur fram í Alkemistanum, þætti um markaðsmál og viðskipti, sem er að hefja göngu sína hér á Mbl Sjónvarpi. Í þættinum segir Friðrik Eysteinsson aðjúnkt við viðskiptafræðideild Háskóla Íslands að kenningar um að mismunandi markaðssetning þurfi að eiga sér stað fyrir ferðamenn sem koma hingað til lands á mismunandi árstíðum sé mögulega röng.

Á þeim tímamótum að Apple fyrirtækið er að setja á markað nýjan iPad er gaman að kíkja aðeins yfir þetta magnaða fyrirtæki.

Það er nánast sama á hvaða námskeið eða ráðstefnu þú ferð á í dag, alstaðar er verið að segja dæmisögur af Apple eða þá Zappos.

Ég hef því til gamans tekið saman nokkrar staðreyndir um Apple fyrirtækið sem ég hef grafið upp í gegnum netið. En vöxtur þess síðustu ár hefur verið ótrúlega magnaður. Staðreyndirnar skýra allt sem skýra þarf.

• Söluaukning Apple á síðasta ári var 22 billjónir dollara. Þessi vöxtur er stærri og meiri heldur en heildarvelta margra þekktra fyrirtækja. Vöxturinn einn og sér er meiri heldur en heildarvelta Apple fyrir 4 árum.
• Heildarvelta Apple á síðasta ári var 65 billjónir dollara. Þetta er meira heldur en landsframleiðsla (GDP) landa eins og olíuríkjanna Irak og Líbiu eða landa eins og Króatíu og Ekvador.
• Það eru einungis 61 ríki í heiminum sem eru stærri en Apple.
• Apple er orðið stærra en Microsoft sem velti 62 billjónum dollara.
• iPhone skapar 39% af heildarveltu Apple. Fyrir fjórum árum var iPhone ekki til.
• Tölfræði sýnir að Apple seldi 1,27 iPhone síma á sekúndu eftir að hann kom út.
• Tölfræðin segir okkur líka að Apple fyrirtækið hafði að meðaltali 625 dollara í tekjur á hvern seldan iPhone síma en þeir telja núna 40 milljónir síma.
• iTunes skapaði 4 billjónir dollara í tekjur fyrir Apple. Til samanburðar má nefna að eitt stærsta tónlistar útgáfu fyrirtæki heimsins Warner Music velti 3 billjónum dollara.
• Velta Apple í verslunum sínum var 9,8 billjónir dollara. Það er meiri velta heldur en stórfyrirtæki eins og Saks, Barnes & Noble, Ann Taylor, Tiffany, RadioShack og fl.
• Sala Apple í gegnum verslanir sínar óx um 3 billjónir dollara á síðasta ári. Þessi vöxtur er stærri en heildar velta Tiffany sem aldrei hefur verið flokkað annað en stórfyrirtæki.
• Stærsti hluti tekna Apple (45 billjónir dollara) koma af vörum sem Apple hefur þróað og hannað sjálfir (nýsköpun) á síðustu 10 árum (iPods, iPhones, iPads, iTunes). Nærri því helmingur heildarveltu þeirra (30 biljónir dollara) skapast ef nýjum vörum sem hafa komið á markað á síðustu 4 árum.
• Í þessu ljósi er gaman að bera saman þær upphæðir sem risarnir Apple og Microsoft setja í rannsóknir og þróun. Apple eyðir 1,7 billjónum dollara í R&D á meðan Microsoft eyðir 8,7 billjónum.
• Áfram með samanburðin. Apple setti 5,5 billjónir dollara i sölu og markaðsstarf ásamt stjórnunarkostnaði. Microsoft eyddi 17 billjónum dollara i sömu liði.
• Að lokum, Apple seldi á níu mánuðum síðasta árs 7,5 milljónir af iPad. Það eru 19 stykki á hverri mínútu sem liðin er frá því að iPad kom á markað.
• Þeim er greinilega full alvara með eitt af markmiðum sínum sem er „insanely great”

Ákveðið hefur verið að Alkemistinn þáttur um markaðsmál hafi vistaskipti. Ekki verða framleiddir fleiri þættir í tengslum við ÍNN. Nýr Alkemisti með nokkuð öðru sniði mun birtast innan skamms á mbl sjónvarpi.

Öllum samstarfsaðilum okkar hjá ÍNN þökkum við fyrir gott samstarf á liðnu ári en þátturinn átti árs afmæli 3. febrúar síðastliðinn. Um leið og við óskum þeim heilla í framtíðinni.

Við vonum að við getum gert enn betur með nýjum miðli og nýjum áherslum. Takk fyrir allan stuðninginn og við sjáumst á mbl sjónvarpi fljótlega.

Aðalgestur minn í þessum þætti er Hjörtur Smárason frá fyrirtækinu Scope. Hann er sérfræðingur í notkun samfélagsmiðla og heldur námskeið fyrir fólk bæði hérlendis og erlendis um markaðssetningu á netinu.
Friðrik Eysteinsson tekur fyrir í Akademíska horninu útvarpsauglýsingar og sérstaklega notkun svokallaðra örauglýsinga eða 2 sek auglýsingar.

Aðalgestur minn í þessum þætti er Kristján Emil Jónasson Verkefnisstjóri fyrir RIMC 2011. Við ræðum hvað ber hæst á þessari markaðsráðstefnu.
Friðrik Eysteinsson tekur fyrir í Akademíska horninu tengslin milli markaðsfærslu og verðmætis fyrirtækja.

Upplýsingar um Markaðsráðstefnuna má sjá á http://rimc.is

Aðal gestir mínir í þessum þætti eru þeir Davíð Sigurðarsson og Jóhann Sveinbjörnsson frá Silent Company en þeir sjá um sýninguna Netið expó sem haldin verður í Smáralind 11. til 14. mars.

Friðrik Eysteinsson er síðan með nýja rannsókn á tengslum skapandi hugsunar og vöruþróunar í Akademíska horninu.

Í nýjasta tölublaði marketingweek er grein sem byggð er á könnun sem blaðið lét gera. Þar kemur fram að konur á aldrinum 8 til 18 ára líta á farsímann sem mikilvægasta hlutinn í samskiptum sínum. Samskiptamunstrið snýst um símann. Þessi þróun kann að opna upp nýja möguleika í samskiptum við þennan hóp í framtíðinni. Greinin sem kallast „Girls just want to have fun in the media mix“ má lesa hér í heild sinni með því að smella á nafnið.

Nokkrar slóðir hafa bæst við í dag og þæ má sjá með því að smella hér eða velja síðuna „Tenglar fyrir dellukarla“ hér efst til hægri.

Við lestur á Mogganum í morgun rakst ég á grein eftir gamlan félaga sem ég tel að allir þurfi að lesa. Hvaða skoðun sem menn kunna að hafa, pólitískar eða aðrar þá er þetta leiðin út úr vanda þjóðarinnar. Að hugsa óhefðbundið og vinna saman.

Ég vona að Dóri taki það ekki illa upp þó að ég setji hér á þetta vefsvæði afrit af þessari grein hans.

Hugsum út fyrir rammann

Halldór Guðmundsson

Ef það er eitthvað sem liggur ljóst fyrir í okkar óreiðusamfélagi, þá er það sú staðreynd að komandi kjarasamningar verða með þeim erfiðustu sem menn hafa upplifað. Af hverju það er þarf ekki að útlista fyrir neinum. Því ríður á að leitað sé allra tiltækra leiða til þess að ná sátt sem skiptir fólk máli og unað verður við. Svigrúm langflestra fyrirtækja til launahækkana er mjög takmarkað en þau verða samt að axla sinn hlut, en svo er um fleiri. En hverjir fleiri geta axlað byrðar til þess að ná sátt? Að atvinnurekstrinum í landinu undanskildum þá hefur hingað til verið fáum öðrum til að dreifa en ríkisvaldinu, sem stundum hefur lagt gott til mála, svo hægt væri að loka kjarasamningum. Ríkisvaldinu er, eðli málsins samkvæmt, þröngur stakkur sniðinn, en samt verður að ætlast til aðkomu þess. Þeir aðrir sem nú verður að ætlast til að axli sinn hlut, til þess að ná ásættanlegri niðurstöðu, eru verkalýðsfélögin og launþegar sjálfir. Hugmyndir manna um þriggja ára nýja »þjóðarsátt« veit á gott, því slíkur tímabundinn samningur gefur færi á óhefðbundinni útfærslu við þessar erfiðu aðstæður. En þá vaknar spurningin: Hvernig geta launþegar sjálfir og verkalýðsfélögin komið að lausn kjarasamninga nú? Svarið er eftirfarandi: Launþegar samþykkja að 2 prósentustig af orlofi flytjist yfir í laun – sem launahækkun – í þrjú ár. Verkalýðsfélögin, sem eiga digra sjóði, geta lagt sitt af mörkum á þessu þriggja ára sáttatímabili. Til dæmis með því að flytja ½ prósentustig af sjúkrasjóðsframlagi yfir í laun. Félög í prentiðnaði, svo dæmi sé tekið, gætu flutt 1 prósentustig – sem nú fer í prenttæknisjóð – yfir í laun félagsmanna sinna. Og verkalýðsfélögin gætu stórlækkað eða fellt alveg niður félagsgjöld í þrjú ár, til þess að auka ráðstöfunarfé félagsmanna sinna.

Til þess að einfalda myndina, gæti dæmið litið einhvern veginn svona út: Atvinnureksturinn leggur til almenna 3% launahækkun. Launþegar færa til orlofsprósentu upp á 2% yfir í laun sín. Verkalýðsfélögin leggja til með tilfærslum 2% yfir til félagsmanna sinna. Ríkisvaldið leggur til með ýmsum hætti 2% – t.d. með lækkun á virðisauka- og tekjuskatti. Með þessu móti tækju allir höndum saman í þriggja ára átaki til að auka ráðstöfunarfé heimilanna eins og kostur er. Þessi leið hefur þann kost að hægt er að bakka bæði framlögum launþega sjálfra og verkalýðsfélaganna til fyrra horfs að þremur árum liðnum, að öllu leyti eða að hluta. Samfélaginu í dag má líkja við mann sem hefur lent í hjartastoppi og þarf rafstuð til að hrökkva í gang aftur. Líta má á framangreinda hugmynd sem hið nauðsynlega rafstuð. En súrefnið sem þarf til frambúðar er öflug aðkoma ríkisins til að hrinda í framkvæmd hinum stóru tækifærum þjóðarinnar í orkufrekum iðnaði, sjávarútvegi og hvers konar stórframkvæmdum. Það er algjör forsenda nauðsynlegs hagvaxtar. Því án umtalsverðs hagvaxtar á næstu árum er stór hætta á að endurreisn samfélagsins takist ekki. Stöndum myndarlega að málum og gerum það strax. Nú er vilji allt sem þarf.